Një person në Suharekë është kontaktuar nga IKSHPK-ja për ta lajmëruar që ka rezultuar pozitiv me COVID-19, megjithëse i njëjti thotë se nuk ka bërë test.
Nazi Shala tregon se gjatë së premtes ka marrë udhëzim për ta bërë testin, pasi disa të afërm të tij kanë dalë pozitiv, por që nuk është testuar.
Madje, Shala thotë se IKSHPK-ja e ka telefonuar dy herë duke i kërkuar që të izolohet.
Zyrtari që i ka dhënë këtë informacion tha se e gjithë kjo ka qenë një ngatërresë mes listës së pritjes me atë të testuarve.
