• 17/05/2021
Digiqole ad

Suhareka hyn në zonën e kuqe, kryetari Muharremaj apelon për respektim të masave shtesë

 Suhareka hyn në zonën e kuqe, kryetari Muharremaj apelon për respektim të masave shtesë

Kryetari i Komunës së Suharekës, Bali Muharremaj, ka njoftuar se nga sonte Suhareka ka masa shtesë për mbrojtjen nga pandemia COVID -19, si rezultat i numrit të madh të të infektuarve. 

“Sapo jam njoftuar nga Ministria e Shëndetësisë, për vendimin e Ministrit Armend Zemaj për masat e reja, ku ndalohet edhe lëvizja e qytetarëve nga ora 21:30 deri ora 05:00, me përjashtim të rasteve të veçanta”, ka bërë të ditur i pari i komunës në një postim në rrjetin e tij social Facebook.

Tutje, Muharremaj apelon për kujdes dhe respektim të masave të caktuara nga institucionet shëndetësore.

Postimi i plotë:

Suhareka nga sonte ka masa shtesë për mbrojtjen nga pandemia COVID -19, si rezultat i numrit të madh të të infektuarve. 

Sapo jam njoftuar nga Ministria e Shëndetësisë, për vendimin e Ministrit Armend Zemaj për masat e reja, ku ndalohet edhe lëvizja e qytetarëve nga ora 21:30 deri ora 05:00, me përjashtim të rasteve të veçanta. 

Ne kemi bërë thirrje shumë herë për kujdesin dhe respektimin e masave, për mbrojtjen nga ku rreziku mirëpo duket se në përgjithësi jemi fajtor të gjithë.

Andaj ju lus që ta keni kujdesin e duhur dhe të respektoni masat e caktuara nga institucionet shëndetësore. 

Ne me të gjitha kapacitetet tona jemi në gadishmëri dhe do të veprohet në përputhje me situatën e krijuar dhe në zbatim të ligjit.

Digiqole ad

Të ngjashme