• 16/05/2021
Digiqole ad

Reshitaj ka disa fjalë për Yllin dhe Xhebrailat

 Reshitaj ka disa fjalë për Yllin dhe Xhebrailat

“Asnjë skuadër në Kosovë aktualisht nuk është më në formë se YLLI” – tha gazetari i njohur nga Suhareka Kushtrim Reshitaj në një postim në Facebook

   Reshitaj shton  se këtë e tregon renditja tabelare në Superligë, si dhe ndeshjet e Final 8, ku të gjitha duelet tjera rrugës për në finale, u mbyllën ngusht.

“Rahoveci mundi Trepçën me dy pikë diferencë, sikurse edhe Prishtina – Pejën. Ponte fitoi nga Vllaznimi me 3 pikë dallim, kurse YLLI mundi Bashkimin me 14 pikë  diferencë. Prishtina fitoi vetëm në çastet e fundit ndaj Pontes në gjysëmfinale, ndërkaq YLLI thuajse e kishte siguruar finalen qysh nga çereku i tretë ndaj Rahovecit. Ajo ndeshje u mbyll me 21 pikë diferencë” -shkruante më tutje në postim e tij

 Sipas Kushtrim Reshitaj kupa sot me çdo kusht duhet të mbetet në Suharekë por për këtë  basketbollistët duhet që të japin 200% nga vetja.

“Ky qytet dhe tifozëria aty i meriton trofetë. Si rezultat i investimeve serioze dhe punës poashtu shumë serioze, titujt s’do diskutim që do të vijnë, si në basketboll ashtu edhe në futboll, andaj le të fillojmë që sot. FORCA YLLI “ – ishin fjalët  e tij drejtuar KB Golden Eagle Yllit  dhe Xhebrailave .

  Për ta përmbushur këtë status ai postoi edhe një foto me fanellën që i karakterizon tifozat e zjarrtë te Suharekës “ Xhebrailat”.

Digiqole ad

Të ngjashme