• 16/05/2021
Digiqole ad

Hoxhaj për vizat: BE-ja është e treguar e padrejtë dhe kjo qasje duhet të marrë fund

 Hoxhaj për vizat: BE-ja është e treguar e padrejtë dhe kjo qasje duhet të marrë fund

Kandidati për kryeministër nga Partia Demokratike e Kosovës, Enver Hoxhaj, ka shpalosur në një video shtyllat kryesore të programit të këtij subjekti për zgjedhjet e 14 shkurtit.

Ai ka thënë se prioritet është ndërhyrja në ekonominë e goditur nga pandemia dhe rritja e pagës minimale për punëtorët.

Sponzorizuar

“Prioriteti i parë është ndërhyrja në ekonominë e goditur nga pandemia, ku do ta themelojmë fondin 1 miliard euro. Gjysma e tij do të shkojnë direkt për bizneset dhe punëtorët; Do ta rrisim pagën minimale për punëtorët nga 170 në 300 euro”.

“Do ta rrisim pagën e veteranëve deri në 300 euro dhe nuk do të ndërpritet pensioni nëse kanë kontratë pune; Do të themelojmë fondin 15 milionë euro vetëm për të rinjtë, që të fillojnë binzneset e tyre”.

Hoxhaj e përmendi edhe planin për rimëkëmbjen e shëndetësisë.

“Kur jemi tek shëndetësia, prioritet i parë është vaksinimi i popullatës kundër COVID. Çdo familje në Kosovë do ta ketë mjekun familjar. 580 forma barnash falas për të sëmurët kronik (si diabet, hipertension, sëmundje të zemrës dhe sëmundje tjera). Shërbimet e para të sigurimeve shëndetësore në 100 ditshin e parë të qeverisjes tonë; Paga e mjekut specialist do të rritet deri në 1500 euro dhe për infermierët mbi 650 euro”.

Hoxhaj tha se do ta forcojë dhe përmirësojë imazhin e Kosovës në botë.

“Do ta mbrojmë sovranitetin e Kosovës, konsolidojmë njohjen ndërkombëtare dhe forcojmë lidhjet vëllazërore me Shqipërinë. Ato strategjike me Amerikën dhe BE-në. Prandaj qëllimi kryesor është anëtarësimi i Kosovës në OKB, në Bashkim Europian, në NATO, dhe përmbyllja e dialogut me Serbinë. Sa i përket liberalizimit të vizave, BE-ja është e treguar e padrejtë ndaj nesh dhe kjo qasje duhet të marrë fund”, ka thënë Hoxhaj.




Digiqole ad

Të ngjashme