• 17/05/2021
Digiqole ad

KQZ: Deri në ora 11:00 kanë votuar mbi 145 mijë qytetarë

 KQZ: Deri në ora 11:00 kanë votuar mbi 145 mijë qytetarë

Komisioni Qendror i Zgjedhjeve  ka njoftuar se pjesëmarrja e qytetarëve në votime deri në ora 11:00 është 8,30 %, apo 145 mijë 650 votues.

Kjo është bërë e ditur në një konferencë për media nga kryetarja e KQZ-së, Valdete Daka

Daka, po ashtu ka thënë se nuk ka pasur incidente të raportuara.

Qendrat e votimeve janë hapura në ora 07:00 dhe do të mbyllën në ora 19:00.
Të drejtë vote në këto zgjedhje kanë 1.794.862.

Ndërkohë, këto janë zgjedhje të parakohshme parlamentare, ku në garën zgjedhore janë 21 parti politike, 2 koalicione dhe 5 iniciativa qytetare. Ndërsa, numri i përgjithshëm i kandidatëve të certifikuar është 1 mijë e 52 kandidatë.

Numri i Qendrave të Votimit në të gjithë Kosovën është 888, me gjithsej 2 mijë e 382 vendvotime.

Ndryshe, në zgjedhjet e kaluara, deri në orën 11 kishin votuar rreth 175 mijë qytetarë.

Të drejtë vote në këto zgjedhje kanë 1.794.862 qytetarë, të cilët do të mund të votojnë në 888 qendra të votimit, me 2.382 vendvotime në 38 komunat e Kosovës.

Këtë vit, KQZ-ja ka larguar nga lista e votuesve rreth 122.000 persona, të cilët kanë qenë të regjistruar vetëm me dokumente të UNMIK-ut. Në këto zgjedhjet është thënë se do të votohet vetëm me dokumente të Kosovës.

Digiqole ad

Të ngjashme