• 17/05/2021
Digiqole ad

6 mijë e 470 raste aktive me koronavirus në Kosovë

 6 mijë e 470 raste aktive me koronavirus në Kosovë

Në Kosovë dje kanë rezultuar 292 raste të reja me koronavirus teksa 556 u shëruan dhe tre persona ndërruan jetë si pasojë e këtij virusi.Nga fillimi i pandemisë e deri më sot, pozitiv me koronavirus kanë rezultuar 65.982 persona

Si pasojë e përkeqësimit të gjendjes shëndetësore, 1 mijë e 571 të infektuar kanë humbur betejën me virusin.

Numri i rasteve aktive me koronavirus në Kosovë është 6.470 kurse të shëruar që nga fillimi i pandemisë janë 57.941 persona.Kosova është akoma në pritje të vaksinave anti-Covid, teksa vendet fqinje të Kosovës veçse kanë filluar me vaksinimin e popullësisë.

Njoftimi i fundit i IKSHPK:

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 2.833 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 292 raste pozitive.


Brenda 24 orëve janë raportuar 3 raste të vdekjes me SARS CoV-2 pozitiv. Rastet e vdekjes janë nga komunat: Ferizaj 1 rast (84 vjeç), Gjilan 1 rast (75 vjeç) dhe Rahovec 1 rast (83 vjeç).


Numri total i rasteve pozitive është 65.982 raste nga 282.904 persona të dyshimtë në virusin SARS-CoV-2 dhe 1.571 raste të vdekjes.
Gjatë 24 orëve të fundit, janë shëruar 556 pacientë derisa numri i përgjithshëm i të shëruarve deri më sot është gjithsej 57.941 raste, kurse numri i rasteve aktive është 6.470.


Rastet pozitive janë nga komunat: Prishtinë 100 raste, Fushë-Kosovë 20 raste, Gjakovë 20 raste, Pejë 17 raste, Lipjan 16 raste, Podujevë 16 raste, Gjilan 15 raste, Mitrovicë 15 raste, Rahovec 11 raste, Prizren 10 raste, Vushtrri 10 raste, Obiliq 8 raste, Deçan 7 raste, Suharekë 5 raste, Viti 5 raste, Drenas 3 raste, Ferizaj 3 raste, Klinë 2 raste, Novobërdë 2 raste, Shtime 2 raste, Skenderaj 2 raste dhe me nga një rast komunat Dragash, Kamenicë dhe Malishevë.

Digiqole ad

Të ngjashme