Digiqole ad

Refuzohen 9 mijë e 49 zarfe me fletëvotime të mërgatës, këto janë arsyet

 Refuzohen 9 mijë e 49 zarfe me fletëvotime të mërgatës, këto janë arsyet

Shërbimi votues i KQZ-së është duke vijuar me procesin e vlerësimit të rreth 43 mijë e 500 pakove të supozuara me fletëvotime dhe selektimin e tyre, të cilat janë pranuar gjatë periudhës së votimit përmes postës.

Deri më tani janë refuzuar 9 mijë e 49 zarfe me fletëvotime.

Kjo u bë e ditur në mbledhjen e Komisionit Qendror të Zgjedhjeve.

“Deri më tani janë hapur 19 mijë e 168 pako të supozuara me fletëvotime që i janë nënshtruar procesit të vlerësimit. Pas vlerësimit janë aprovuar 22 mijë e 326 zarfe me fletëvotime, ndërsa janë refuzur 9 mijë e 49 zarfe me fletëvotime”, u tha në mbledhje.

Arsyet e refuzimit të tyre janë të ndryshme.

Disa prej këtyre pakove janë dërguar nga persona që nuk janë të regjistruar si votues jashtë Kosoës; disa të tjera për shkak se janë dërguar nga persona që janë refuzuar në periudhën e aplikimit.
Po ashtu, në disa raste pakot janë dërguar nga votues të paidentifikuar (votim grupor); apo se në pakon që kanë dërguar kanë bashkangjitur dokumente jovalide.

Digiqole ad

Të ngjashme