Mbi 7 mijë raste aktive me koronavirus në Kosovë

Që nga fillimi i pandemisë në Kosovë, mbi 68 mijë persona janë infektuar me Covid-19, ku 1,592 prej tyre kanë humbur jetën.

59,438 prej tyre janë shëruar, kurse numri i rasteve aktive është 7,321.

“Numri total i rasteve pozitive është 68.351 raste nga 300.198 persona të dyshimtë në virusin SARS-CoV-2 dhe 1.592 raste të vdekjes. Gjatë 24 orëve të fundit, janë shëruar 264 pacientë derisa numri i përgjithshëm i të shëruarve deri më sot është gjithsej 59.438 raste, kurse numri i rasteve aktive është 7.321”, bëhet e ditur në raportin e fundit të IKSHPK-së.

Ndërkohë që rastet e reja me Covid-19 po shtohen, IKSHPK-ja gjatë ditës së premte i rekomandoi Qeverisë shtrëngimin e masave.