Digjet një banesë në Ulpianë, nuk raportohet për të lënduar

Mbrëmjen e sotme është kapluar nga zjarri një banesë në lagjen Ulpiana në Prishtinë.

Zjarri ka arritur të lokalizohet dhe nuk raportohet për të lënduar, njofton Klan Kosova.

Rastin për KlanKosova.tv e ka konfirmuar zëdhënësi i Policisë për Rajonin e Prishtinës, Agron Borovci.

“Rreth orës 18:30 është raportuar për një zjarr në një objekt në rrugën “17 Shkurti” në Prishtinë. Policia menjëherë ka dalë në vendin e ngjarjes ku ka ftuar edhe zjarrfikësit të cilët kanë lokalizuar zjarrin”.

Borovci po ashtu deklaroi se nuk raportohet për persona të lënduar, dhe aktualisht po vazhdon puna për hetimin e rrethanave të ngjarjes.