Suharekë, bie nga shkalla duke punuar

Një rast tjetër i lëndimit në punë është raportuar gjatë 24 orëve të fundit në Suharekë

Suhareka Express mëson se një punëtor i ndërtimtarisë është rrëzuar nga shkalla nga tri metra lartësi, në një shtëpi private në rrugën “Ismail Qemali” në Suharekë, ku ishte duke punuar.

Burime brenda Prokurorisë Themelore në Prizren kanë bërë të ditur se për shkak të lëndimeve që ka pësuar, ai është dërguar për tretman mjekësor në Spitalin e Prizrenit.

Këto burime bëjnë të ditur se mjekët kanë konstatuar se ai është jashtë rrezikut për jetë.

Në vendin e ngjarjes ka dalë policia, prokurori dhe Inspektorati i Punës.