Liria posedon “pasaportën” futbollistike të Vedat Muriqit, anagzhon avokatë ndërkombëtarë për mbyllje të çështjes

LiriaVazhdon edhe më tutje të jetë një nga temat më të përmendura ditëve të fundit.Fjala është për çështjen e Vedat Muriqit, i cili pritet të zyrtarizohet te Lazio brenda pak kohësh, përcjell GazetaBlic.

Ai do të kalojë nga Feneri në kryeqytetin italian për shumën prej 20 milionë eurove, ku nga kjo shumë 2 janë bonuse.

Ish-skuadrat, Besa e Kavajës e Teuta e Durrësit pritet të fitojnë shuma të majme parash, por jo edhe Liria, e cila e rriti futbollistin, dhe që sipas rregulloreve të UEFA-së, skuadra apo shkolla e futbollit e cila e kalit lojtarin, përfiton 5% të secilit transfer ndërkmbëtar.

Megjithatë, Liria nuk e ka ndërmend të dorëzohet lehtë. Madje, klubi “bardhë e zi” ka angazhuar edhe avokatë ndërkombëtarë për ta mbyllur këtë çështje.

Sekretari i klubit, Bashkim Kajdomqaj, në një prononcim për “GazetaBlic” shpalosi edhe të ashtuquajturën pasaportë futbollistike, të cilën e ka siguruar nga shtëpia numër një e futbollit kosovar.

Aty shkruan se Muriqi me numër të librezës “ID 7242” për herë të parë është regjistruar si lojtar i Lirisë.

“Nuk e di çka mund të ketë ndodhur sa ka qenë në Besë e në Teutë, por ajo që është e rëndësishme, ne do t’i shkojmë deri në fund kësaj pune. Secilin transferim që e ka kryer pas vitit 2013, kur edhe e ka marrë fletëlëshimin nga unë, Liria duhet të përfitojë. Veçse kemi angazhuar edhe avokatë ndëkombëtarë për ta mbyllur këtë çështje, e për të cilën besojmë se do të jetë në favorin tonë, sepse ligjet dhe rregulloret e UEFA-së thonë ashtu”, tha ndër të tjera Kajdomqaj.