HARRY MAGUIRE GODET ZYRTARIN POLICOR NË GREQI (VIDEO)

Kapiteni i Manchester United, Harry Maguire, është dërguar në stacion policor për t’u marrë në pyetje në ishullin grek Mykonos, pasi ka sulmuar zyrtarët policorë të cilët ndërhynë në një kacafytje, njofton ESPN, përcjell Insajderi.

Maguire është dërguar në mbajtje pasi ofendoi dhe goditi policin që ishte thirrur për ta ndërprerë një përleshje mes dy grupeve të turistëve.

Ekipi i United ka konfirmuar se përfaqësuesi i Anglisë është duke bashkëpunuar me autoritetet dhe se klubi ka vendosur kontakt me lojtarin.

“Futbollisti është treguar abuziv me një oficer policia dhe më pas e ka goditur”, thuhet në njoftimin zyrtar të policisë.

“Ai, bashkë me dy veta të tjerë, i ka rezistuar edhe dërgimit në stacion policor”.