Mesfushori i Trepça 89’, Lassine Traore, ka treguar se ai është kontaktuar nga FFK, pas deklaratave të fundit të tij.
“Jam kontaktuar nga një person i FFK-së i cili më ka pyetur nëse lajmi i publikuar në media është i vërtetë”, ka thënë fillimisht Traore.
“Ai gjithashtu më pyeti nëse jam i gatshëm të bashkohem me Kombëtaren e Kosovës”, tha Traore për Blic Media, transmeton Insajderi.
Traore me prejardhje nga Mali, ditë më parë ka deklaruar se ai do të pranonte me kënaqësi ftesën për të luajtur për Kosovës, nëse kjo e fundit do ta kontaktonte.
19 vjeçari që luan në Super Ligë, është një nga lojtarët më të mirë të ekipit të Trepçës./Insajderi
