1.770 raste aktive me coronavirus, 14.836 të shëruar deri më sot
Members of the University Clinical Center of Kosovo in protective gear walk past a sign reading “Ambulance For Coronavirus” at the University Clinical Center of Kosovo in Pristina on March 14, 2020. – Kosovo reported its first coronavirus (COVID-19) case on March 13, 2020, in a 22-year-old Italian woman and a 77-year-old Kosovar man, both recently returned from Italy. (Photo by Armend NIMANI / AFP)
Instituti Kombëtar i Shëndetit Publik bën të ditur numri total i rasteve pozitive është 17.263 raste nga 82.678 persona të dyshimtë në virusin SARS-CoV-2 dhe 657 raste të vdekjes.
IKSHPK njofton se numri i përgjithshëm i të shëruarve deri më sot është gjithsej 14.836 raste, kurse numri i rasteve aktive është 1.770.
Ndryshe, një ditë më parë ministri i Shëndetësisë, Armend Zemaj ka thënë se është shqetësuese numri i lartë i të infektuarve në Prishtinë, brenda 24 orëve.
Zemaj ka thënë se komuna e Prishtinës, shtabet emergjente, policia, Inspektoratet pres ta rrisin në maksimum kontrollin dhe zbatimin e masave anti COVID-19.
“Para një vendimi ndryshe për kryeqytetin, bashkë për të mirën e të gjithëve!”, ka shkruar Zemaj.
Si masë për parandalimin e përhapjes së virusit institucionet shëndetësore obliguan qytetarët me vendosjen e maskës, në të kundërtën ata do të gjobiten sipas Ligjit për pandeminë COVID-19.
Maska është bërë obligative edhe nëpër autobus. Për të inspektuar se sa po respektohen këto masa nëpër autobusët e Prishtinës, inspektorati bëri inspektime gjatë së mërkurës.
Drejtori i Inspektoratit në komunën e Prishtinës, Adonis Tahiri ka treguar se janë bërë inspektime nëpër stacionet kryesore të kryeqytetit.
