Digiqole ad

Hapet konkursi për pranimin e studentëve në konvikte

 Hapet konkursi për pranimin e studentëve në konvikte

Qendra e Studentëve e Universitetit të Prishtinës ka shpallë konkursin për pranimin e studentëve për banim në konvikte dhe për ushqim në mensë, për vitin akademik 2020/2021.

Mirëpo sipas njoftimit të tyre, për shkak të situatës me Covid-19, këtë vit do të pranojë rreth 1600 studentë, pra një student në një dhomë.

“Këtë vit ndarja e vendeve për strehim në konviktet e Qendrës se Studentëve, do të bëhet në bazë të kërkesës së rektoratit të Universitetit të Prishtinës dhe atë 70% e këtyre vendeve do të ndahen per fakultetet, programet e studimit të të cilave përmbajnë lëndë praktike dhe labaratorike si dhe 30% për faklutetet, programet e të cilave përmbajnë komponentet teorike”, thuhet në postimin e tyre në “Facebook“.

Siç bëhet e ditur, çmimi do të jetë 35 € për muaj (20€ banimi, 15 € ushqimi).

Konkursi do të jetë i hapur prej datës 29 tetori deri më datën 07 nëntor.

Studentët  të cilët do të aplikojnë për strehim dhe ushqim në Qendrën e Studentëve, aplikimin mund ta bëjnë përmes sistemit Online, në adresat zyrtare të QS, web faqes qs.rks-gov.net dhe profilit zyrtar Facebook Qendra e Studenteve-Prishtine.

“Mënyra e përzgjedhjës së kandidatëve të cilët do të fitojnë të drejtën për strehim dhe ushqim do të bëhet në bazë të kritereve të përcaktuara me konkurs”, thuhet më tutje.Kallxo

Digiqole ad

Të ngjashme