Janë konfirmuar aktakuzat nga Gjykata Speciale ndaj kryetarit të OVL-UÇK-së, Hysni Gucati dhe nënkryetarit Nasim Haradinaj. Këtë e ka bërë të ditur avokati Tomë Gashi.
Sipas tij, aktakuza kundër tyre përmban katër pika, të cilat kanë të bëjnë me pengim të drejtësisë dhe me aktakuza konkrete që sipas Speciales ndërlidhen me periudhën kohore në mes të datave 7 dhe 25 shtator të këtij viti.
Nasim Haradinaj dhe Hysni Gucati, nga data 25 shtator 2020 deri më sot e kanë konsideruar vetën të kidnapuar nga Gjykata Speciale! Nasim Haradinajt dhe Hysni Gucatit sot u është dorëzuar aktakuza e konfirmuar nga gjyqtari i procedurës paraprake dhe pritet dalja e tyre para gjyqtarit në seancat e radhës”, ka shkruar ai.
Gashi ka shkruar se Gucati e Haradinaj dhe ai vetë si avokat nuk e pranojnë këtë gjykatë të cilën e ka quajtur raciste dhe tepër të dëmshme për pavarësinë e Kosovës.
Për veprat penale të konfirmuara në këtë aktakuze nuk është fare kompetente Gjykata Speciale në Hagë.
Ky është postimi i plotë i Tomë V. Gashi:
GJYKATA SPECIALE KONFIRMON AKTAKUZEN NDAJ Z.NASIM HARADINAJ DHE Z.HYSNI GUCATI
Nasim Haradinaj dhe Hysni Gucati, nga data 25 shtator 2020 deri me sot e kanë konsideruar vehten të kidnapuar nga Gjykata Speciale!
Sot është konfirmuar aktakuza kundër tyre, e cila përmbanë 4 pika, të cilat sipas Prokurorisë Speciale në Hagë kanë të bëjnë me pengim të drejtësisë, e me akuza konkrete, që sipas tyre ndërlodhen me periudhen kohore në mes të datave 7 deri 25 shtator të ketij viti.
Nasim Haradinajt dhe Hysni Gucatit sot i është dorëzuar aktakuza e konfimuar nga gjyqtari i procedures paraprake, dhe tani pritet dalja e tyre para gjyqtarit në seancat e radhës.
Kryetari dhe nenkryetari i OVL të UÇK-së, dhe unë në cilësinë e avokatit të OVL të UÇK-së nuk e pranojmë këtë Gjykatë një etnike, raciste, tepër e dëmshme për kombin tonë Shqipetar 🇦🇱dhe për shtetin e pavarur të Kosovës.
Gjykata Speciale ishte themeluar nga deputetet e Kuvendit të Kosovës me 3 gusht të vitit 2015 pa iu dorëzuar fare raportin e hetimit të Prokurorit Clint Williamson i cili i hetoi pretendimet djallëzore të Dick Martyt, i cili në interes të Serbisë arriti që ta bind Këshillin e Evropës që të hetoj trafikimin e organeve njerëzore të kryera kinse nga UÇK-ja për të mbuluar krimet serbe deri në gjenocid kundër popullates civile shqiptare në Kosovë.
Për veprat penale të konfirmuara ne kete aktakuze nuk eshte fare kompetente Gjykata Speciale ne Hage.
Nese prokuroria pranë Gjykatës Speciale në Hagë ka prova kundër Nasim Haradinajt dhe Hysni Gucatit, rastin duhet ta dërgoj në Gjykatat e Republikës së Kosovës, por si mund ta bëjë këtë Prokuroria Speciale në Hagë, dhe Gjykata Speciale në Hagë, kur Republiken e Kosoves që i ka formuar këto institucione nuk e njohin si shtet të pavarur.
