“Fundi i pandemisë çështje kohe”.Kjo ka qenë deklarata e kreu ekzekutiv i kompanisë Pfizer Albert Bourla, në një intervistë për kanalin publik të Greqisë ERT pasi sot mbërrin në vendin fqinj 9750 dozat e para të vaksinës kundër koronavirusit.“Mund të duhet pak kohë, por aktualisht zgjidhjet që kemi në duar janë aq efektive, sa që është vetëm çështje kohe për të arritur në fund të pandemisë”, deklaroi CEO i Pfizer.

Bourla ka deklaruar se vaksina e Pfizer kundër Covid-19 është efikase edhe ndaj variantit të ri të koronavirusit që u zbulua në Britaninë e Madhe.“Kam parë të dhëna që më bëjnë të them se jam optimist, por i kujdesshëm. Por ne do të kemi të dhëna përfundimtare brenda dy javësh nëse vaksinat janë njësoj ose edhe me efikase”, vijoi ai.Ditën e sotme grupi i parë i vaksinave Pfizer-BioΝTech kundër koronavirusit arriti në Greqi. 9,750 vaksinat do të ruhen në ambiente të veçanta që plotësojnë kushtet për ruajtjen e produkteve farmaceutike dhe nga atje do të fillojë edhe shpërndarja në qendrat e vaksinimit.

Sot të gjitha vendet e BE ka marrë në dorëzim dozën e parë të vaksinave anti-COVID dhe nga nesër nis vaksinimi në të gjithë vendet e unionit. Presidentja e Komisionit Evropian Ursula von der Leyen tha se sot BE kthen faqen e një viti të vështirë në lidhje me pandeminë e COVID-19 dhe se vaksina është rruga e vetme për të dalë nga kjo situatë. Shiptarja.com