KF Ballkani vazhdon të mbetet në ndjekje të një portieri për stinorin pranveror, shkruan Gazeta Olle.
Trajneri i ri, Bledi Shkëmbi nuk bindet vetëm nga Kenan Haxhihamza dhe po kërkon dikë tjetër për të mbrojtur portën e “Xhebrailave”.
Para disa ditësh tek klubi në formulë të huazimit erdhi portieri i ri nga Shkëndija, Bekim Redjepi.
Por, Redjepi nuk bindi dhe u kthye prapë në Tetovë.
Tani siç duket suharekasit kanë afruar një portier tjetër në provë, dhe e kanë marrë me vete në Antalya.
“Olle” ka kontaktuar me drejtuesit e skuadrës nga Suhareka, por ata kanë hezituar të tregojnë se kush është “gardiani i ri” që po merrë pjesë në stërvitjet e skuadrës.
Gjithçka që ka arritur të mësoj Gazeta Olle deri më tani është se portieri i ri i skuadrës vjen nga jashtë Kosovës dhe aktualisht është në prova tek Ballkani.
Informacioni do të përditësohet po sa të kemi diçka të re për t’iu treguar.Olle
