Ambasadori amerikan në Kosovë, Philip Kosnett është takuar mëngjesin e sotëm me kreun e VV-së, Albin Kurtin.
Vizita e Kosnett vjen dy ditë pas zgjedhjeve të jashtëzakonshme në Kosovë, ku Lëvizja Vetëvendosje doli partia e parë në vend.
Ndryshe, menjëherë pas zgjedhjeve, Ambasada e Amerikës në Kosovë ka dalë me reagim. Aty thuhej se është inkurajuese kur shihet një numër i madh i qytetarëve që shfrytëzuan të drejtën e votës kur kemi parasysh motin e keq dhe pandeminë.
Gjithashtu, Ambasada Amerikane bëri thirrje që t’i jepet kohë KQZ-së dhe institucioneve të tjera, që të numërohen votat dhe ta bëjnë punën e tyre.
“Inkurajuese për të pare që kaq shumë qytetarë dolën të votojnë paqësisht sot, pavarësisht nga moti dhe pandemia. Tash është e rëndësishme që KQZ’-ë dhe Institucioneve tjera në Kosovë t’iu japim kohë dhe hapësirë për t’i numëruar votat dhe për të bërë punën e tyre”, thuhej në reagim
