Në raportin e Institutit Kombëtar të Shëndetësisë Publike të Kosovës (IKSHPK) thuhet se gjatë 24 orëve të fundit në Kosovë kanë humbur jetën edhe 12 persona si pasojë e infektimit me COVID-19, kurse janë regjistruar edhe 777 raste të reja të infektuarëve me këtë virus.
IKSHPK bën të ditur se gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 4.143 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 777 raste pozitive.
Në Suharekë është raportuar për një të vdekur i moshës 72 vjec dhe 8 raste pozitive me coronavirus sipas vendbanimev: Suharekë 2 raste, Vraniq 2 raste, Samadraxhë 1 rast, Sallagrazhdë 1 rast, Greikoc 2 raste.
