Policia e Kosovës ka hasur në shtatë qese najloni me mbi shtatë kilogram substancë narkotike në fshatin Zhub, shkruan Gazeta Sinjali.
Sipas policisë këto qese me drogë janë gjetur gjatë patrullimit në fshatin Zhub, përkatësisht në skaj të rrugës “Bernard Komani”.
” …kanë hasur në shtatë (7) qese najloni të mbushura me substancë narkotike që dyshohet të jetë e llojit marihuanë, me peshë totale prej (7 kg e 507 gram.)”, thuhet në njoftim.
Njoftimi i plotë:
Njësitet policore kufitare gjatë patrullimit hasin në shtatë qese najloni me mbi shtatë kilogram substancë narkotike
Prishtinë, më 30 korrik 2021
Me datën 30.07.2021 rreth orës 01:00, patrulla policore e pikës kufitare Qafë Prush, gjatë patrullimit në fshatin Zhub, përkatësisht në skaj të rrugës Bernard Komani, rrugë kjo e cila të dërgon në drejtim të pikës kufitare Qafë Prush, kanë hasur në shtatë (7) qese najloni të mbushura me substancë narkotike që dyshohet të jetë e llojit marihuanë, me peshë totale prej (7 kg e 507 gram.).
Nga zyrtarët policorë janë ndërmarrë veprime konkrete policore, të realizuara në bashkëpunim edhe me njësitet përgjegjëse të Drejtorisë Rajonale të policisë kufitare “Perëndimi” Gjakovë.
Sipas procedurave të parapara janë njoftuar edhe njësia kompetente nga Drejtoria për Hetimin e Trafikimit me Narkotik si dhe Prokurori i Shtetit pranë Prokurorisë Themelore në Gjakovë, Departamenti për Krime të Rënda, i cila ka udhëzuar që të iniciohet rasti për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” nga neni 267 i KPRK-së.
Policia e Kosovës, Drejtoria Rajonale e Policisë Kufitare “Perëndimi” Gjakovë mbetet të përkushtuara në luftimin dhe parandalimin e te gjitha dukurive negative .
