Një zjarr i madh ka përfshirë Zonën Industriale në Shirokë të Suharekës ku rrezikohen një numër i madh i bizneseve, shkruan Gazeta Metro.
Sipas lexuesve të Gazetës Metro, në zonë industriale janë shumë kompani si solidi i këpucëve e kompani të prodhimit të mobileve dhe materialeve ndërtimore.
Gjithashtu në këtë pjesë të qytetit ndodhet edhe një kompani e derivateve dhe lëndëve të tjera shpërthyese e cila po rrezikohet nga zjarri dhe mund të jetë fatale për atë pjesë të qytetit.
Më herët, Kryetari i Suharekës, Bali Muharremaj është shprehur se përhapja e zjarrit është serioze dhe të gjitha ekipet e zjarrëfikësve janë në terren.
Ai ka bërë të ditur se ka kërkuar ndihmë nga Prizreni dhe Mamusha.
