Analisti Jusuf Thaçi ka reaguar pasi Lëvizja Vetëvendosje ka zyrtarizuar kandidaturën e ministrit aktual të Shëndetësisë, Arben Vitia, për kryetar të Prishtinës.
Thaçi përmes një postimi në Facebook ka kërkuar që kryeministri Kurti ta lirojë Vitinë nga detyra e ministri të Shëndetësisë dhe ta emërojë ministrin e ri.
Ai shton se menaxhimi i pandemisë dhe në anën tjetër kandidimi për kryetar komune janë detyra që kërkojnë përkushtim maksimal dhe sipas tij Arben Vitia e ka të pamundur që t’i kryej si duhet këto dy detyra në të njëjtën kohë.
Postimi i plotë:
1. Menaxhimi i pandemisë kërkon ministër shëndetësie me orar të plotë e me përkushtim maksimal.
2. Kandidimi për kryetar komune, po ashtu, është detyrë me orar të plotë e kërkon përkushtim maksimal për parapërgatitje e për fushatë zgjedhore.
3. Rrjedhimisht, nëse LVV përfundimisht ka vendosur që ministri i shëndetësisë Arben Vitia të kandidojë për Kryetar të Komunës së Prishtinës, atëherë Kryeministri Kurti duhet që sa më parë ta lirojë Arben Vitinë nga pozita e ministrit të shëndetësisë dhe ta emërojë ministrin e ri, sepse Arben Vitia e ka të pamundur që t’i kryej si duhet këto dy detyra në të njëjtën kohë.
