Florian Marku u nxor me forcë nga salla e konferencës për shtyp nga sigurimi dhe pastaj e shtyu me duar kundërshtarin e vet Maxim Prodan të enjten.
Boksieri shqiptar do ta sfidojë Prodanin për titullin e ndërkombëtar në kategorinë gjysmë të mesme në IBF të shtunën në stadiumin e Tottenhamit në Londër,
Marku u tërbua qysh para meçit dhe gjatë konferencës i kërkoi kundërshtarit t’i qërojnë hesapet në sallën e konferencës.
Sigurimi ndërhyu dhe e largoi atë nga salla për shkak se u përpoq të ballafaqohej fizikisht me Prodanin.
Gjatë pozimit ballë për ballë para meçit, Marku e shtyu me të dy duart boksierin rumun.
“Ai nuk është përballur kurrë me dike si unë në jetën e tij dhe do t’ia tregoj këtë të shtunën”, tha Marku.
Gjakrat u nxehën kur Prodan tha: “Marku është një hiç. Ju vini nga një sport tjetër. Do t’ju tregoj çfarë është boksi të shtunën”.
Marku shpërtheu dhe tha: “Ju jeni një copë m*ti. Mund të luftojmë këtu po deshe? Eja të luftojmë këtu. Eja, lufto këtu, ti copë m*ti!”
Meçi mes Markut dhe Prodan do t’i paraprijë meçit kryesor të mbrëmjes mes Anthony Joshuas dhe Oleksandr Usyk për titujt e botës .
