Prokuroria Themelore në Gjakovë ka kërkuar caktimin e masës së paraburgimit ndaj të dyshuarit S.B, për dyshimin se ka kryer veprën penale “Lëndim i lehtë trupor”.
Siç bëhet e ditur në njoftimin e prokurorisë, rasti ka ndodhur më 25 shtator të këtij viti në Gjakovë, ku i dyshuari i kishte shkaktuar lëndime trupore bashkëshortes së tij, L.B, duke përdorur mjete të forta.
I dyshuari fillimisht kishte ofenduar me fjalë të rënda bashkëshorten e tij e më pas e kishte sulmuar me kabllo në pjesë të ndryshme të trupit.
I dyshuari me urdhër të prokurorit gjendet në ndalim nga data 26 shtator.
Njoftimi i plotë i Prokurorisë:
Gjakovë, 28 shtator 2021 – Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit, S.B., për shkak të dyshimit të bazuar se ka kryer veprën penale “Lëndim i lehtë trupor”.
Prokuroria njofton se, rasti ka ndodhur më 25 shtator 2021, në Gjakovë, pikërisht në shtëpinë e tyre të përbashkët, ku i pandehuri me dashje i shkakton lëndime trupore bashkëshortes së tij, të dëmtuarës, L.B., duke përdorur mjet të fortë.
I pandehuri S.B., fillimisht e ofendon me fjalë të rënda bashkëshorten e tij, e më pas e sulmon fizikisht duke e goditur me kabllo në pjesë të ndryshme të trupit, ku të njëjtës i shkakton lëndime trupore.
I pandehuri me urdhër të prokurorit gjenden në ndalim nga data 26 shtator 2021
