Ambasadori i Suedisë në Kosovë, Jonas Westerlund, ka deklaruar se vendimi për projektin e gazit amerikan i takon institucioneve të Kosovës, duke theksuar se siguria energjetike duhet të mbetet prioritet.
Ai ka thënë se nuk dëshiron të përcaktojë se cila rrugë është më e mira, por ka nënvizuar rëndësinë që qytetarët dhe ekonomia të kenë furnizim të qëndrueshëm me energji.
Sipas tij, çështjet energjetike janë të lidhura drejtpërdrejt me zhvillimin ekonomik dhe me aftësinë e vendit për të tërhequr investime e për të forcuar tregtinë.
Westerlund foli edhe për raportet ekonomike mes Kosovës dhe Suedisë, duke përmendur rolin e diasporës kosovare dhe bashkëpunimin përmes Dhomës Nordike të Tregtisë.
Burimi: Insajderi