Një njoftim i rëndësishëm vjen për konsumatorët në Gjermani: Ferrero ka tërhequr nga tregu një seri të caktuar të kekëve me Nutella, pasi dyshohet se disa prej tyre mund të përmbajnë fragmente metalike.
Sipas raportimeve, masa nuk prek të gjitha produktet Nutella, por vetëm kekët me Nutella të shitur në furrat e bukës brenda supermarketeve dhe hipermarketeve gjermane gjatë periudhës 16 deri më 25 qershor 2026.
Kompania ka paralajmëruar konsumatorët që të mos i konsumojnë këto produkte nëse janë blerë gjatë kësaj periudhe, sepse kekët shiten pa paketimin origjinal dhe seria e prekur nuk mund të identifikohet lehtë nga blerësit.
Produktet e prekura janë larguar nga raftet, ndërsa klientët që kanë blerë kekë të tillë mund t’i kthejnë në pikën e shitjes ku i kanë marrë dhe të kërkojnë rimbursim.
Për familjet shqiptare që jetojnë në Gjermani, ky është një njoftim që ia vlen të shpërndahet, sidomos nëse produkti është blerë ditëve të fundit në furra brenda marketeve të mëdha.
Nëse jetoni në Gjermani, kontrolloni blerjet e ditëve të fundit dhe ndajeni këtë informacion me familjarët.
Burimi: Indeksonline