Dr. Mefail Muji, specialist i sëmundjeve të mushkërive, ka hapur ordinancën e tij private pulmologjike në Vjenë, duke shënuar një hap të rëndësishëm në karrierën e tij profesionale në Austri.
Ordinanca “Lungenfacharzt Brigittenau” ndodhet në qarkun e 20-të të Vjenës dhe ofron shërbime diagnostikuese e trajtuese për sëmundjet e mushkërive.
Pacientët aty mund të kryejnë teste të funksionit pulmonar, analiza të gazrave në gjak, ekzaminime me rëntgen dhe kontrolle të tjera për problemet respiratore.
Një veçori e rëndësishme është se ordinanca pranon pacientë me E-Card, duke e bërë kujdesin specialistik më të qasshëm për qytetarët.
Dr. Muji është nga Prizreni, ku ka përfunduar shkollimin fillor dhe të mesëm të mjekësisë. Më pas ai u zhvendos në Austri, ku vazhdoi rrugëtimin e tij akademik dhe profesional në fushën e mjekësisë.
Ai ka treguar se dëshira për t’u bërë mjek i lindi që në adoleshencë, pas një përvoje personale në spital, ku pa nga afër përkushtimin e mjekëve ndaj pacientëve.
Rrugëtimi i tij nga Prizreni drejt Vjenës është një histori përkushtimi, pune dhe suksesi të një profesionisti shqiptar në diasporë.
Një tjetër shembull i suksesit shqiptar në Evropë. Shpërndajeni këtë histori pozitive.
Burimi: Albinfo.ch