Dr. Sejdi Elshani rrëfen shërbimin në UÇK: Të plagosurit rëndë i dërgonim në Buzhalë dhe Breshancë
Dr. Sejdi Elshani ka rrëfyer për periudhën kur shërbente si mjek në radhët e Ushtrisë Çlirimtare të Kosovës, duke treguar për organizimin e kujdesit ndaj ushtarëve të plagosur gjatë luftës.
Ai ka bërë të ditur se të plagosurit në gjendje të rëndë dërgoheshin në fshatin Buzhalë, ndërsa rastet edhe më të rënda trajtoheshin në ambulancën e fshatit Breshancë.
“Në fshatin Buzhalë i dërgonim ushtarët që ishin të plagosur rëndë, ndërsa rastet shumë më të rënda i dërgonim në ambulancën e fshatit Breshancë”, ka treguar Elshani.
Mjeku nga Suhareka ka folur edhe për kushtet e vështira në të cilat punonin dhe jetonin gjatë asaj kohe. Sipas tij, për shkak të mungesës së hapësirës dhe nevojës për kujdes të vazhdueshëm ndaj pacientëve, ai, bashkëshortja dhe motra e tij flinin në një dhomë të vetme.
Rrëfimin e plotë të Dr. Sejdi Elshanit mund ta ndiqni në videon më poshtë.