Agjencia e Ushqimit dhe Veterinarisë ka bërë të ditur se në fshatin Sekiraqë të Podujevës është shënuar një rast i gripit të shpezëve Avian Influnza.

Ata nëpërmjet një postimi në Facebook kanë treguar se janë duke u ndërmarrë të gjitha veprimet për parandalim të përhapjes se sëmundjes, ku përfshihet edhe asgjësimi i shpezëve në fermën e prekur.

“Po ashtu janë duke u kryer të gjitha hulumtimet epidemiologjike në fermat në zonën e prekur në perimetër prej 3km. Jemi duke i kryer të gjitha veprimet tjera sipas legjislacionit në fuqi”, thuhet në njoftimin e tyre.