Nëse në vitin 2009 keni përdorur Tumblr, sigurisht se nuk ju ka shpëtuar trendi i quajtur 24153903.
Në fakt kur në Google shkruani këtë numër 24153903 dhe shikoni fotografitë, do t’ju shfaqen plot imazhe të njerëzve duke futur kokën e tyre në frigorifer.
Gjithçka filloi me David Horowitz, artistin amerikan i cili në profilin e tij në Tumblr publikonte statuse të pazakonta, dhe u bënte thirrje miqve që edhe ata ta bëjnë të njëjtën gjë.
Ndjekësit i luste që të sillen çuditshëm dhe të shikojnë se çfarë do të ndodhë. Horowitz i propozonte miqve që të fotografohen me kokën e futur në frigorifer dhe imazhin ta quajnë 24153903.
Kjo ide i erdhi në kokë kur një miku të sëmurë i propozoi që ta fusë kokën në frigorifer. Sa i përket numrit, ka qenë një kombinim i numrit serik të frigoriferëve dhe pakos me ushqim të ngrirë që gjendej brenda frigoriferit.
