Nëse jeni duke kërkuar për punësim të ri në Zvicër, hulumtimi në internet mund të jetë produktiv.

Në vitin 2021, 40 për qind më shumë vende të lira pune në të gjitha rajonet u gjetën në platformat jobs.ch dhe jobup.ch, njofton albinfo.ch.

Kjo rritje tregon “një imazh shumë pozitiv të tregut zviceran të punës”, sipas agjencisë së rekrutimit JobCloud.

Rritjet më të forta u regjistruan në sektorin e hotelerisë dhe turizmit (+181 për qind), sigurinë (+77 për qind) dhe sportin dhe kulturën (+74 për qind). Nga ana tjetër, numri i hapjeve në ndërtim dhe arkitekturë ra me 25 për qind, ndërsa në IT dhe telekom me 7 për qind.