Futbollisti i Ballkanit, Kushtrim Gashi tashmë ka konfirmuar se nuk do të jetë më pjesë e Ballkanit, ndonëse ka kontratë edhe për një vit tjetër.

Ai ka paraqitur kërkesën për shkëputjen e kontratës, pas raporteve jo të mira me trajnerin Ilir Daja, i cili së fundmi nuk e ka ftuar fare Gashin në udhëtimin e klubit në Lituani, shkruan Gazeta Olle.

Për rastin në fjalë kanë reaguar edhe tifozët e klubit, “Xhebrailat” në faqen zyrtare të tyre.

Ata theksojnë se asnjë lojtar dhe trajner nuk është më i madh se klubi dhe logo e kësaj skuadra.

Postimi i plotë nga Xhebrailat: 

Një gjë le ta dinë të gjithë lojtarët që janë dhe ata që do vinë, të gjithë tranjerët e i gjithë bordi drejtues, se asnjëri nuk jeni më të mëdhenjë se kjo LOGO!

KËRKUSH MBI KLUB 🟠⚫

FORCA BALLKAN 🟠⚫

/Gazeta Olle/