Rregullat e reja për periudhën e vjeshtës dhe dimrit kundër koronavirusit hynë sot në fuqi në Gjermani, pasi vendi përgatitet për një rritje të rasteve gjatë muajve të ftohtë.
Maskat FFP2 janë të detyrueshme në trenat në distanca të gjata për ata mbi 14 vjeç, ndërkohë që deri tani kanë qenë të mjaftueshme vetëm maskat kirurgjikale.
Nga ana tjetër, maskat janë hequr për avionët.
Maskat FFP2 tani janë të detyrueshme në spitale, shtëpi pleqsh dhe zyrat e mjekëve.
Në shtëpitë e pleqve dhe spitalet, duhet të paraqitet një test negativ përpara hyrjes.
Punonjësit duhet të testohen disa herë në javë.
Nga sot, autoritetet lokale do të kenë fuqinë të vendosin mbajtjen e detyrueshme të maskave në trenat dhe autobusët lokalë, si dhe në zonat e brendshme si dyqane dhe restorante.
Në shkolla dhe çerdhe, testet mund të bëhen të detyrueshme, ndërkohë që mund të vendoset edhe një kërkesë për maskë.
Nëse situata e infeksionit përkeqësohet, landet kanë fuqinë të vendosin masa të mëtejshme.
Ministri i Shëndetësisë Karl Lauterbach, u bëri thirrje autoriteteve që të vëzhgojnë nga afër tendencat e rasteve.
Ai i përshkroi rregullat e Covid-19 si veçanërisht të rrepta nga standardet evropiane.
”Gjermania nuk është më e zgjuar, por është më e kujdesshme”, tha ai në përgjigje të një pyetjeje
