DASHI
Ditë e ndriçuar më mirë do jetë kjo e sotmja. Do kuptoni disa paqartësi dhe do mbaroni disa punë të nisura më herët. Nëse jeni në një lidhje do ndiheni më mirë se dje dhe do sqaroheni për disa keqkuptime. Shqetësimet dhe stresi do jene thuajse inekzistente. Ju beqarët do joshni pa e kufizuar veten dhe askush nuk do ju rezistojë dot. Ka shumë mundësi që gjithçka për ju do ndryshojë më shumë sesa mund ta kishit menduar. Në punë do i shprehni hapur mendimet dhe cilësitë më të vyera do vihen në pah. Në planin financiar, recetat e përdorura prej kohësh për një gjendje më të mirë do funksionojnë edhe sot.
DEMI
Ditë e mbushur me momente të ngrohta do jetë kjo e sotmja. Nëse jeni në një lidhje Plutoni do ju bëjë të dashuroheni plot pasion. Ndjenjat do jenë të thella nga të dyja palët dhe këtë do e shprehni edhe me vepra. Ju beqarët do keni më shumë kohë të lirë sot dhe do keni mundësi të realizoni akoma më shumë njohje. Lëreni zemrën të flasë. Në punë do jeni të ndërgjegjshëm për vlerat që keni dhe do dini si të veproni në çdo lloj situate. Gjithsesi mirë është që të mos tregoni plotësisht të sigurt në vetvete pasi do kritikoheni nga kolegët. Sipas Horoskopit, buxheti ka rrezik të ketë goxha tronditje. Nuk do dini të shpenzoni me llogari dhe nuk do bëni ekonomi.
BINJAKËT
Sot do rilindë dielli për ju dhe do ndiheni shumë më të qetë. Pas disa momenteve jo shumë të këndshme që keni kaluar kohet e fundit në jetën në çift, sot do filloni ta përforconi lidhjen. Mbajini gjithë kohës këmbët në tokë dhe mos ëndërroni me shume sesa duhet. As ju beqarët nuk duhet të filloni aventura pa baza të mira sepse do lëndoheni. Shikojeni me kujdes çdo mundësi që do iu jepet. Në punë ka rrezik të mos përshtateni dot lehtësisht me mjedisin e ri ku do ndodheni, por nuk duhet të mërziteni. Të gjitha kalojnë vështirësi fillimisht. Beni sa më shumë ekonomi të mundni që situata financiare të jetë e stabilizuar. Ju i keni të gjitha aftësitë dhe mundësitë për ta bërë këtë.
GAFORRJA
Sot do jetë ecja përpara ajo që do ju motivojë gjatë gjithë kohës. Nuk do preferoni të qëndroni në një vend apo të bëni të njëjtat gjëra përherë. Venusi do ketë ndikim shumë të mire në jetën tuaj në çift. Çdo moment do jetë shume i përshtatshëm për të shprehur ndjenjat dhe për të dashuruar me pasion. Ju beqarët qe jeni në kërkim të shpirtit binjak do e takoni atë në mënyrë rastësore dhe të papritur. Në punë fillimisht do keni dyshime nëse mund ta realizoni një projekt të ri, por me guxim dhe këmbëngulje do ja dilni. Për financat do jetë ditë e mbushur me surpriza.
LUANI
Gjatë ditës së sotme do jeni më të logjikshëm. Dielli do ua ndriçojë mendimet dhe do ju bëjë të ndiheni më mirë. Për ju të dashuruarit nuk do ndodhë asgjë e keqe, përkundrazi mund t’i sqaroni edhe disa pengje që keni pasur nga e shkuara. Ju beqarëve do ju paraqiten mundësi të jashtëzakonshme kështu që lëreni veten sa më të lirë dhe përfitoni nga çdo mundësi. Në punë do keni shumë ide në mendje dhe gjërat do ju ngatërrohen. Nuk do arrini dot të riktheni ato që do mendoni dhe për pasojë as nuk do i vini në zbatim kur duhet. Financat do jenë shumë të paqëndrueshme dhe madje mund të duken edhe delikate. Shmangni me patjetër çdo investim.
VIRGJËRESHA
Dita e sotme nuk do jetë ashtu si ju e kishit menduar prandaj duhet të përgatiteni edhe më momente të mërzitshme. Çështjet e zemrës nuk do jenë në gjendjen më të mirë kështu që duhet t’i kushtoni më shumë rëndësi jetës tuaj në çift. Mos e lini vetëm partnerin dhe për çdo dyshim apo paqartësi flisni hapur me të. Ju beqarët do jeni më shumë joshës nga sa mund ta kishit imagjinuar ndonjëherë kështu që të gjithë do mahniten pas jush. Në punë do ndiheni gjatë gjithë kohën nën presion dhe nuk do i realizoni gjërat ashtu si duhet. Ndikimi i yjeve nuk ka për të qene aspak i mirë tek financat.
PESHORJA
Gjatë kësaj dite nuk do keni probleme serioze megjithatë jo gjithçka ka për të qenë e lehtë. Fale Venusit, jeta juaj në çift nuk do jetë aspak e trishtuar. Në pjesën më të madhe të kohës ju do bëni çdo gjë sipas dëshirës tuaj dhe emocionet do shumëfishohen. Ju që jeni ende vetëm do keni dashuri me shikim të pare në momentin që më pak e prisni. Për ju çdo gjë tashme do jetë ndryshe. Në punë do jeni objektivë dhe do i keni shumë të qarta qëllimet që doni të arrini. Pengesat do jenë të njëpasnjëshme, por jo të pakalueshme. Sipas Horoskopit, financat do konsolidohen tej mase, kështu që mund ta kryeni pa frikë edhe ndonjë shpenzim më tepër.
AKREPI
Gjatë kësaj dite do jeni gjenialë dhe të paarritshëm. Çdo gjë që keni dashur do mund ta arrini pa shumë mundim. Për ju të dashuruarit nuk do ecin gjërat si i kishit menduar. Nuk do arrini dot t’i shprehni sa duhet ndjenjat kundrejt partnerit dhe ai mund të keqkuptohet për këtë gjë. Nëse jeni beqarë duhet të tregoheni disi më të duruar dhe keni për ta gjetur personin për të cilin keni ëndërruar gjithmonë. Në punë mund t’iu duket të qëndroni edhe vonë disa momente vetëm për të arritur në kohë ato që keni menduar. Në planin financiar do ju duhet të ndërmerrni edhe rreziqe për ta stabilizuar situatën.
SHIGJETAR
Planetët do ju bëjnë me humor të mirë sot dhe do jeni të gatshëm të bëni çdo gjë për ta zbukuruar ditën. Nëse keni një lidhje shtyjini për pak me vone angazhimet profesionale sepse partneri do ketë me te vërtetë shumë nevojë për mbështetjen dhe ngrohtësinë tuaj. Nëse jeni beqarë nuk duhet të bini pre e disa intrigave dhe kurtheve sepse do lëndoheni pamasë. Mirë është që edhe për pak kohë të qëndroni ashtu si jeni. Në punë do jeni më të përgjegjshëm he më të zotët për të çuar përpara projektet e nisura. Me shpenzimet nuk do i keni punët aspak mirë dhe mund të ndodheni në situata të vështira.
BRICJAPI
Asgjë dhe askush nuk do mund t’iu influencojë gjatë kësaj dite. Do keni mendjen tuaj dhe do ecni sipas planeve që keni bërë në kokë. Ju të dashuruarit do jeni tej mase kokëfortë dhe nuk do pranoni në asnjë mënyrë t’i hapni rrugë atij që keni ne krah. Marrëdhënia mes jush do lërë shumë për të dëshiruar. Ju beqareve do ju duket sikur vetë jeni perfektë dhe gjithë të tjerët kanë të meta. Duke menduar kështu keni për të mbetur ende me të njëjtin status. Në punë do jeni shumë pak persona dhe kjo do iu japë më shumë fushë të lirë për të vepruar. Që financat të vazhdojnë të jenë të mira, duhet t shpenzoni vetëm për gjërat më të domosdoshme.
UJORI
Do zgjidheni me më shumë optimizëm sot dhe nuk do e lëshoni veten përballë sfidave që mund t’iu dalin. Ju që jeni në një lidhje nuk duhet kurrsesi të dekurajoheni edhe pse mund të keni probleme në jetën tuaj ne çift.. Duke u mbyllur në vetvete dhe duke e lëshuar veten asgjë nuk do mund të rregullohet. Ju beqarët do jeni të përkushtuar ndaj një projekti të rëndësishëm dhe nuk do e keni mendjen tek krijimi i një lidhjeje. Në punë do bëni edhe përpjekjet që nuk i kishit menduar ndonjëherë për të arritur çdo gjë që dëshironi. Për financa më të mira duhet patjetër të limitoni në maksimum shpenzimet
PESHQIT
Sot harmonia, alegria dhe ngjyrat do jenë mbizotëruese në jetën tuaj. Çdo gjë ka për t’iu ecur ashtu si e kishit menduar. Nëse keni një lidhje, marrëdhënia juaj me partnerin do përmirësohet tej mase. Do i shihni gjërat me një sy tjetër dhe do jeni shumë më optimistë. Ju beqarët do merrni shumë ftesa, por asnjeri nuk do mund t’ua ndryshoje mendjen për të filluar një lidhje. Në punë do kërkoni të punoni në një ambient të qetë dhe pasi t’iu plotësohen të gjitha kushtet keni për të arritur atë që doni. Në sektorin e financave do ndiheni si të përhumbur sepse gjendja me të vërtetë që do jetë goxha problematike dhe delikate.
