Por dy vajzat si motra thonë se janë nga Kolumbia dhe janë këtu për të ofruar shërbime seksuale.
Numri i tyre i telefonit tashmë është publik dhe ka qarkulluar nga një shoqëri te tjetra.
Kiksi e kontakton atë dhe normalisht që biseda zhvillohet në rrjetin social Whats Up, rrjet ky që është vështirë i përgjueshëm nga autoritetet vendore.
Pas përshëndetjes, ajo vazhdon me prezantimin e ofertës, çmimet i ka të prera dhe mundësia e zgjedhjes është nëse do të kesh një vajzë apo dy sosh apo thënë shqip dy motrat.
Edhe këtu çmimet rritën varësisht se kush e paguan hotelin.
Çmimorja për shërbimet seksuale, ku hoteli paguhet nga klienti, është 150 euro me 30 minuta qëndrim, derisa 200 euro për 1 orë të plotë dhe këtu hyjnë dy “shots”, term i përdorur nga to.
Por nëse do që gjatë aktit të jetë pjesëmarrëse edhe e motra, atëherë çmimi arrin në 400 euro.
Kurse oferta me shpenzimet e qëndrimit në hotel, që paguhen nga to, fillojnë nga 300 euro deri në 600, nëse përzgjedh opsionin e dy motrave këtu hyn edhe pagesa e taksisë.
Aty janë edhe detajet e shërbimit ekstra dhe kushtet gjatë procesit nga masat preventive deri te lëvizjet më speciale gjatë marrëdhënies.
Sa i përket mënyrës së pagesës, për dallim të eskortave në faqet ndërkombëtare që bëhej në mënyrë elektronike, ajo kërkoi që pagesa të bëhet kesh, pasi të takoheshim me të.
Megjithëse vajzat flisnin në gjuhën angleze dhe pretendonin se janë kolumbiane, burimi konfirmoi të kundërtën se ato janë shqiptare.
Por pas disa kontakteve me ne, ato u zhdukën, pasi më nuk ishin aktive.
