Liga e Konferencës do të vazhdoj edhe këtë javë, ku tre skuadra shqiptare kanë kaluar në rrethin e tretë.
Kampioni në fuqi i Kosovës, Ballkani, kampioni shqiptar Partizani dhe ai nga Maqedonia e Veriut, Struga janë ende në garë dhe synojnë grupet e Ligës së Konferencës.
Për Ballkanin në rast se do të futej në grupe do të ishte hera e dytë radhazi, derisa Partizani dhe Struga nuk kanë luajtur asnjëherë në fazën e grupeve në garat evropiane.
Tanimë tre skuadrat shqiptare kanë mësuar edhe emrat e kundërshtarëve të mundshëm në rast se kalojnë rrethin e tretë.
Sipas formatit të përcaktuar, skuadrat që vijnë nga Liga e Kampionëve do të ndeshen me njëra-tjetrën në këtë garë.
Skuadrat kampione, që do të kualifikohen nga turi i tretë i Ligës së Konferencës do të ndeshjen me ekipet kampione që do të eliminohen nga raundi i tretë i Ligës së Evropës.
Në të tilla kushte, skuadrat shqiptare, në rast se kualifikohen, do të ndeshen me një prej skuadrave që do të eliminohen nga çiftet, Zalgiris – BK Hacken, Qarabag – Helsinki, Zrinjski Mostar – Breidablik, Sheriff Tiraspol – BATE Borisov dhe Astana – Ludogorets.
Në rrethin e tretë të Ligës së Konferencës, Ballkani përballet me Lincoln Red IMPS, Partizani ndeshet me Valmieran e Letonisë si dhe Struga ka përballë Hesperangen e Luksemburgut.
