Kjo është një nga historitë më të dhimbshme që do të lexoni sot.
Bëhet fjalë për Faton Helshanin nga Suhareka, që fle në një veturë të parkuar në parkun e Suharekës.
Vështirësitë me të cilat përballet kryefamiljari janë shumë të mëdha.
Siç thotë ai, babai e ka larguar nga shtëpia, duke mos i dhënë hise, ndërsa vëllai që aktualisht jeton në Zvicër, nuk e ndihmon me as edhe një cent të vetëm.
Tutje, Helshani thotë se i ka edhe katër fëmijë, teksa njërin ia shkeli vetura.
Megjithatë, pas paraqitjes në rrjetet sociale të historisë së Fatonit, shumë vullnetarë janë lajmëruar për ta ndihmuar atë dhe familjen e tij.
SuharekaExpress mëson se tashmë për këtë familje është siguruar një shtëpi me qera të paguar për një vit.
