Përfaqësuesja e Kosovës e ka zhvilluar konferencën e fundit për shtyp para ndeshjes me Rumaninë.
Kras përzgjedhësit Primosh Gliha, në konferencë ishte prezent edhe mbrojtësi Mërgim Vojvoda.
Futbollisti i Torinoës është përballur me pytje provokuese nga gazetër vendas.
Si e vlerëson sjelljen e tifozëve rumunë që kanë pasur mesazhe politike “Kosova është Serbi”, ishte kjo pyetja e gazetarit rumun.
“Mjafton ta shihni këtë logo në zemrën tonë, është flamuri i Kosovës e jo i Serbisë”, është shprehur Vojvoda.
Ai e ka dhënë këndvështrimin e tij sa i takon asaj se si do të mund të ndihen në një stadium të mbushur.
“Jam mësuar të luaj në stadiumet me kapacitete të plota. Edhe bashkëlojtarët, disa nga ata luajnë në klube të mëdha evropiane dhe jemi të mësuar”, është shprehur ai.
Ndeshja Rumani – Kosovë zhvillohet të martën nga ora 20:45
Dardanët kanë zhvilluar 5 ndeshje në grup dhe janë ende pa fitore dhe fitorja në këtë ndeshje do të ngrite edhe më shumë moralin e skuadrës.
Pra ndeshja e ardhshme ndaj Rumanisë është vendimtare në ecurinë e kualifikimeve. Pasi me një fitore eventuale në Bukuresht, Kosova do të mbetej në garë për të shkuar në Euro 2024.
