Një vdekje e dyshimtë ka ndodhur në rrugën “Kastriotët” në Prizren, ku një person është djegur brenda veturës. Ngjarja ka ndodhur në orët e para të së hënës.
Policia e Kosovës njofton se Sh.K., i moshës 55-vjeçare është gjetur i djegur brenda veturës së tipit “Golf 2”.
“Me datën 25.12.2023 rreth orës 01:20 nëpërmes telefonit policia është njoftua se në rrugën “Kastriotët “ në afërsi të rrugës “Transiti i ri “në Prizren është duke u djegur një veturë. Patrullat Policore kanë shkuar në vendngjarje dhe nga nga informatat e para nga aty kanë kuptuar se një person gjendet në veteurë e cila tanimë ishte e djegur plotësisht bashk me viktimën”, thuhet në njoftimin e PK-së.
“Vetura e djegur është njhë golf 2, ndërsa viktima dyshohet të jetë Sh. K. I lindur në vitin 1968 nga fshati Jeshkovë, Prizren. Në vendngjarje kanë dalë të gjitha njësit përgjegjëse për rastin si dhe prokurori kujdestar”, vijon njoftimi.
“Nga hetimet e para dyshohet se viktima ka bërë vetëvrasje. Me urdhër të prokurorit rasti cilësohet “Vdekje e dyshimt “ dhe mbetjet nga trupi i pa jete dërgohen në Institutin e Mjekësisi Ligjore në Prishtinë për egzaminim”.
