Tragjedi në Kumanovë: Vëllai qëllon me armë zjarri motrën dhe djemtë e saj, dy të vdekur
Një ngjarje e rëndë ka ndodhur këtë pasdite në fshatin Gabresh të Kumanovës ku një 66-vjeçar ka qëlluar me armë zjarri motrën dhe dy djemtë e saj.
Si pasojë e të shtënave, 63-vjeçarja dhe djali i saj 38-vjeçar kanë vdekur në vend ndërsa i plagosuri i tretë është dërguar në Klinikën e Shkupit, ku gjendja e tij shëndetësore është në rrezik.
Sipas informacioneve të para, vrasja ka ndodhur për shkaqe të ulëta pronësore dhe se pritet të jepen detaje edhe më të hollësishme.
Mediat atje raportojnë se Policia tashmë ka arrestuar autorin e vrasjes së dyfishtë.
