Kreu i LDK-së, Lumir Abdixhiku ka nisur javën me punimet që po bëhen në rrugën “Nekibe Kelmendi” në Prishtinë.

Abdixhiku e ka quajtur si investim kapital në kryeqytet, ndërsa ka bërë thirrje që të injorohet propaganda dhe përçarja.

“Rruga ‘Nekibe Kelmendi’, një investim tjetër kapital në Prishtinë. Një tjetër përkushtim i yni për fokus në gjëra që kanë rëndësi e që bëjnë vërtetë ndryshim! Për këtë duhet të jetë shërbimi publik! Për këtë LDK qëndron sot! Injorojeni propagandën, urrejtjen e përçarjen. Kosova ka shumë punë më të mençura para vetes se sa të ngecë në moçalin e zymtësisë” shkruan Abdixhiku në postim.