Sot në ora 09:00, Ministria e Ekonomisë, në kuadër të pakos emergjente për energji e mbështetur nga Komisioni Evropian, lanson thirrjen publike “Mbështetje konsumatorëve familjarë për investimin në pajisje efiçiente për ngrohje”.

Në këtë event, që ka për qëllim ndihmën e familjeve për të investuar në pajisje me konsum të ulët energjie, do të marrin pjesë kryeministri Albin Kurti dhe ministrja Artane Rizvanolli.

Lansimi do të bëhet në ambientin e hapur para objektit të Ministrisë së Ekonomisë ku gjatë një bashkëbisedimi me qytetarë e bashkëpunëtorë, të gjithë do të njoftohen për së afërmi me kushtet dhe kriteret e subvencionit.

Këto masa janë të financuara nga pako emergjente 75 milionëshe e Bashkimit Evropian me qëllim të zbutjes së impaktit të krizës energjetike evropiane e të cilat zbatohen nga Ministria e Ekonomisë.