Shtatë persona kanë pësuar lëndime të lehta si pasojë e një aksidenti mes dy veturave në fshatin Shirokë të Suharekës, që ka ndodhur të mërkurën më 02.10.2024.
Rastin e ka konfirmuar për KALLXO.com zëdhënësi i Policisë së Kosovës për rajonin e Prizrenit, Shaqir Bytyqi.
“Si pasojë e aksidentit përveç dëmeve materiale ka edhe të lënduar. Të lënduarit janë dërguar në emergjencë, gjithsej shtatë persona kanë pësuar lëndime të lehta” – tha ai.
Bytyqi shtoi se rasti po hetohet nga Policia.
