Policia e Kosovës ka njoftuar se të hënën në Pejë ka arrestuar një person, i cili dyshohet se ka rrahur babanë.
Gjatë kontrolli të dyshuarit thuhet se i është konfiskuar edhe një pistoletë.
Reklame
“Viktima mashkull kosovar pas një mosmarrëveshje dyshohet se është sulmuar fizikisht nga djali i tij i dyshuari mashkull kosovar. I dyshuari është arrestuar dhe gjatë kontrollit në trup i është gjetur dhe konfiskuar një pistoletë me 14 copë fishekë me të cilën dyshohet se i njëjti ka shtënë dy herë në ajër”, thuhet në njoftimin e Policisë.
Viktima thuhet se ka pranuar tretman mjekësor ndërsa i dyshuari pas intervistimit me vendim të prokurorit është dërguar në mbajtje.
