Instituti Hidrometeorologjik i Kosovës (IHMK) ka njoftuar se moti gjatë kësaj jave parashikohet të jetë i ftohtë dhe me reshje të herëpashershme bore deri të mërkurën, ndërsa nga e enjtja do të mbizotërojë mot i vranët dhe pa reshje.
Sipas IHMK-së, temperaturat do të jenë të ulëta, me erëra mesatare deri të fuqishme, kryesisht nga verilindja dhe juglindja.
E hënë – moti do të jetë i vranët, me riga shiu gjatë ditës, të cilat në orët e vona të mbrëmjes do të shndërrohen në borë. Temperaturat minimale do të jenë ndërmjet -2 deri 1°C, ndërsa maksimalet do të luhaten nga 1 deri 4°C. Do të fryjë erë mesatare dhe lokalisht e fortë nga verilindja dhe veriperëndimi.
E martë – moti do të mbetet i vranët, me reshje të herëpashershme bore. Temperaturat minimale do të jenë ndërmjet -1 deri 1°C, ndërsa maksimalet nga 1 deri 2°C. Do të fryjë erë nga verilindja me shpejtësi 1-7 m/s.
E mërkurë – moti do të jetë i vranët, me fjolla bore vende-vende. Në mëngjes paraqiten kushte për mjegull. Temperaturat minimale do të lëvizin nga -3 deri -1°C, ndërsa maksimalet do të jenë 0 deri 1°C. Era do të jetë e lehtë deri mesatare nga verilindja.
E enjte – moti parashikohet i vranët dhe pa reshje. Në mëngjes, në shumë zona do të ketë kushte për mjegull. Temperaturat minimale do të jenë ndërmjet -3 deri -1°C, ndërsa maksimalet 0 deri 1°C. Era kryesisht do të fryjë nga verilindja, me shpejtësi 1-4 m/s.
E premte – moti do të jetë kryesisht i vranët, me temperatura minimale ndërmjet -3 deri -1°C dhe maksimale nga 0 deri 1°C. Do të fryjë erë e lehtë deri mesatare nga juglindja.
