Kandidati për kryeministër nga LDK-ja, Lumir Abdixhiku sonte në emisionin “Rubikon” në Klan Kosova ka theksuar se janë të regjistruar afër 105 mijë votues të mërgatës deri më tani.

Ai tha se në bazë të të dhënave që i kanë, së paku 40 mijë të regjistruar janë mbështetës të Lidhjes Demokratike të Kosovës, përcjell Klankosova.tv.

“Janë të regjistruar 104 mijë votues të mërgatës deri më tani, 104 mijë e 924 votues nga mërgata, gati 105 mijë dhe unë me përgjegjësi të plotë po flas, në bazë të të dhënave që i kemi, se kjo nuk është çështje e propagandës se nuk jam çmendur të mbajë fjalë të tilla e nesër pas 1 muaji me më thënë “a ka qenë serioz Lumiri?”.

“Po iu them në bazë të dhënave që i kemi, së paku 40 mijë të regjistruar janë mbështetës të Lidhjes Demokratike të Kosovës”, u shpreh tutje Abdixhiku.