• 13/06/2021
Digiqole ad

Tensionet e ditëve të fundit në koalicion – takohen Mustafa, Haradinaj e Limaj

 Tensionet e ditëve të fundit në koalicion – takohen Mustafa, Haradinaj e Limaj

Pas disa përplasjeve që i kanë pasur partnerët e koalicionit, sot në njërin nga hotelet e Prishtinës janë takuar kreu i LDK’së, Isa Mustafa, kreu i AAK’së, Ramush Haradinaj dhe kreu i Nismës, Fatmir Limaj, raporton Gazeta Express.

Gazeta Express merr vesh se takimi ka nisur në ora 16:30 në njërin nga hotelet e Prishtinës.

Zyrtarët e partive politike të kontaktuar nga gazeta deri më tani nuk kanë dhënë detaje për takimin.

Megjithatë, tash e një kohë partnerët e koalicionit kanë pasur disa përplasje mes vete.

I gjithë mospajtimi, siç u raportua në media me paraqitje të zyrtarëve, nisi kur Ramush Haradinaj paraqiti kandidaturën për president, të cilën gjë e kundërshtoi LDK-ja. Më pas, kundërshtia mori tjetër nivel kur AAK-ja paralajmëroi dorëheqjen e ministrave në kohën kur delegacioni shtetëror po takohej me presidentin amerikan, Donald Trump.

GE

Digiqole ad

Të ngjashme