Policia ka arrestuar dy persona të dyshuar në Malishevë, pasi gjatë kontrollit në veturën e tyre janë gjetur rreth 200 mijë euro, raporton Express
Rasti ka ndodhur mesnatën e së martës në Malishevë, njofton Policia e Kosovës në raportin 24 orësh.
“Janë arrestuar një mashkull shqiptar shtetas i R. Shqipërisë dhe një m/k, pasi që gjatë kontrollimit të veturës së tyre, i është gjetur dhe sekuestruar 160.000 funta angleze dhe 26.000 euro para, për të cilat, të dyshuarit nuk kanë dëshmuar dokument për prejardhjen e tyre”, njofton policia.
Të dyshuarit janë dërguar në mbajtje.
