Nga sot fluturojnë çmimet e derivateve në Kosovë, nafta deri në 1.55 euro litra!

Çmimet e derivateve në Kosovë pritet të rriten edhe më shumë ditëve në vijim. Në disa pompa dje çmimi i dizelit e ka kaluar shifrën e 1.40 euro për litër.

Rritja pritet të ndjehet që nga sot. Një pompë derivatesh ka njoftuar për Indeksonline se nga sot çmimi i dizelit do të variojë nga 1.50 deri në 1.55 për litër. “Furnitori na e ka rritur ndjeshëm çmimin. Dizeli aktualisht në bursë është 35 dollarë, ndërsa benzina në plus 60 dollarë.

Nga sot dizeli do të jetë nga 1.50 deri në 1.55”, ka thënë pronari i një pompe derivatesh në Pejë.

Me qëllim të mbrojtjes së konsumatorëve nga lëvizjet e mëdha të çmimeve dhe eliminimit të çrregullimeve në treg me naftë dhe derivate të naftës në Republikën e Kosovës, Qeveria mori vendim sot që të përcaktojë çmimet shitëse maksimale/marzhat tregtare me shumicë dhe pakicë.

Mbetet të shihet se sa do të ndikojë ky vendim në rritjen e çmimeve të derivateve në vend./Indeksonline/